Джумагазиев Тилек Усубалиевич

Джумагазиев Тилек Усубалиевич 1956-жылы 17-августта Нарын облусунун Жумгал районундагы Кайырма айылында төрөлгөн.

1973–1975-жылдары Фрунзе шаарындагы Кыргыз мамлекеттик драма театрынын алдындагы театралдык студияда, 1975–1979-жылдары Ташкент шаарындагы А. Н. Островский атындагы театр жана көркөм өнөр институтунда билим алган.

1988–1990-жылдары Москва шаарындагы Моссовет атындагы театрда стажировкадан өткөн.

Эмгек жолун 1971–1973-жылдары Жумгал элдик театрында артист болуп баштаган. 1979–1984-жылдары Ош кыргыз драма театрында, 1984–1988-жылдары Кыргыз мамлекеттик академиялык драма театрында, 1990–1994-жылдары Ош кыргыз драма театрында актёр болуп эмгектенген.

1994–1995-жылдары Бишкек шаардык театрынын директорунун орун басары, 1999–2004-жылдары Москва районундагы «Беш-Терек» акционердик коомунун коммерциялык директору болуп иштеген.

2004-жылдан тартып Т. Абдумомунов атындагы Кыргыз улуттук академиялык драма театрынын алдындагы театралдык окуу жайдын директору жана аталган театрдын актёру болуп эмгектенип келет.

Сыйлыктары жана жетишкендиктери

1. 2008-жылы, 7-февралда – Кыргыз Республикасынын Маданият жана маалымат министрлигинин №28 буйругунун негизинде «Маданияттын мыкты кызматкери» төш белгиси менен сыйланган.
2. 2010-жылы, 29-октябрда – Кыргыз Республикасынын Ардак грамотасы менен сыйланган (ПЖ-267).
3. 2011-жылы, 28-мартта – №9/4 буйруктун негизинде «Кыргыз Республикасынын билим берүүсүнүн отличниги» төш белгиси менен сыйланган.
4. 2013-жылы, 27-мартта – М. Рыскулов атындагы эл аралык сыйлыкка татыган.
5. 2014-жылы – К. Жантөшев атындагы республикалык сыйлыктын лауреаты.
6. 2017-жылы – IX республикалык театр фестивалында Б. Буляковдун «Бакбергендин балпайган бактысы» спектаклиндеги Бакбергендин ролу үчүн «Эркектин ролун эң мыкты аткаргандыгы үчүн» номинациясы менен сыйланган.
7. 2017-жылы – Б. Жакиевдин «Көздөн учкан Ата Журт» спектаклиндеги Муса ажынын ролу үчүн «Экинчи пландагы эркектин ролун эң мыкты аткаргандыгы үчүн» номинациясында «Эргүү» улуттук театр сыйлыгына татыган.
8. 2019-жылы – «Афган» ордени менен сыйланган.
9. 2019-жылы – Ч. Айтматовдун «Кылым карытар бир күн» спектаклиндеги Абиловдун ролу үчүн XI республикалык театр фестивалында «Калыстар тобунун арзуусу» номинациясы менен сыйланган.

Театрда жараткан ролдору

Жумгал элдик театры (1971–1973-жылдар)

1. М. Алыбаев, «Курорттогу окуя» – Ефим Иванович.
2. Назым Хикмет, «Унутулган адам» – Малай.
3. Ш. Эсенгулов, «Бир каттын сыры» – Баатырбек.
4. Т. Абдумомунов, «Эч кимге айтпа» – Жергебай.
5. Н. Хикмет, «Фархад жана Ширин» – Фархад.

Дипломдук спектаклдери

1. 1975-жылы – Ч. Айтматов, «Жамийла» – Керим. Кыргыз мамлекеттик академиялык драма театрынын алдындагы театралдык студия.
2. 1979-жылы – А. Балакаев, «Эненин жүрөгү» – Пюрвя. Ташкент шаарындагы А. Н. Островский атындагы театр жана көркөм өнөр институту.

Ош кыргыз драма театры (1979–1984-жылдар)

1. А. Грибоедов, «Акылдан азап» – Чацкий.
2. А. Безуглов, Кларов, «Эски базардын ойрон болушу» – Кошельков.
3. А. Горин, «Герострат» – Герострат.
4. М. Ауэзов, «Каракөз» – Сырым.
5. У. Шекспир, «Гамлет» – Лаэрт.
6. К. Жантөшев, «Каныбек» – Жума.
7. Мирошниченко, «Үчүнчү муун» – Ярцев.
8. А. Абдуллина, «13-башкарма» – Улин.
9. Т. Абдумомунов, «Алдар Көсө» – Чатек, Чынарбай.
10. А. де Сент-Экзюпери, «Кичинекей принц» – Честолюбец.
11. К. Жантөшев, «Курманбек» – Чагыр.
12. К. Маликов, «Жаңыл Мырза» – Акыбек.
13. У. Шекспир, «Ричард III» – Ретклиф.
14. Т. Абдумомунов, «Ашырбай» – Солтобай.
15. П. Педояс, «Эстон жомоктору» – Помещик.
16. А. Вампилов, «Чулимскидеги окуя» – Павел.
17. Ф. Достоевский, «Игрок» – Алексей.
18. Б. Жакиев, «Күттүргөн жаз да келээр» – Тилек.
19. Ш. Бейшеналиев, «Кычан» – Кычан.
20. Н. Байтемиров, «Ай ушул балдар, ай» – Бекбоо.
21. А. Абдугафуров, «Ар-намысты козгоо» – Асанжан.
22. А. Арбузов, «Таңкы шаар» – Вениамин Альтман.
23. Ш. Абдрахманов, «Токуучулар» – Мамыт.
24. М. Сейталиев, «Бегайым» – Темир.
25. Абакиров, «Чоң энемдин жомогу» – Карышкыр.

Кыргыз мамлекеттик академиялык драма театры (1985–1988-жылдар)

1. Ж. Сыдыков, «Эрк таңы» – Байтуман.
2. Мамбетакунов, «Омар Хаям» – Лаук.
3. Т. Абдумомунов, «Чолпонбай» – Саша.
4. А. Фадеев, «Жаш гвардия» – Сергей Сафронов.
5. Б. Өмүралиев, «Тагдырдын өгөй балдары» – Витя.
6. Б. Жакиев, «Саадак какты» – Камбаркан.
7. У. Шекспир, «Ричард III» – Принц Уэльский.
8. К. Акматов, «Ажырашуу» – Түнкатар.

«Тунгуч» театры (1990-жыл)

1. Ж. Өзүбекова, «Апамдын махабаты» – Санжар.
2. «Кайран катын Каныкей» – Семетей.

Т. Абдумомунов атындагы Кыргыз улуттук академиялык драма театры (2004–2013-жылдар)

1. М. Тойбаев, «Өчпөс жылдыз» – Министр Отунбаев.
2. Ж. Б. Мольер, «Анткор оорулуу» – Пурган.
3. У. Шекспир, «Гамлет» – Падыша.
4. Т. Касымбеков, К. Сактанов, «Курманжан датка» – Мусулманкул.
5. Ж. Садыков, «Манастын уулу Семетей» – Ысмайыл.
6. С. Ахмад, «Күйөө бала» – Максум.
7. К. Зарлыкова, «Сүйүү арманы» – Бакир (театралдык окуу жай).
8. Ж. Кулманбетов, «Канат менен Зарина» – Чоочун киши (театралдык окуу жай).
9. У. Шекспир, «Антоний менен Клеопатра» – Антоний.
10. Б. Жакиев, «Жолугушуу» – Алкан Алжанович.
11. Н. Хикмет, «Унутулган адам» – Фотограф.
12. М. Тойбаев, «Жоронун жоруктары» – Чоң ата (Орус драма театры).
13. Б. Калчабаева, «Махабат баяны» – Баяман.
14. А. П. Чехов, «Сунуш» – Чубуков.
15. К. Сактанов, «Бүттү, быйыл күйөөгө чыгам» – Күйөө.
16. А. П. Чехов, «Юбилей» – Хирин.
17. Б. Брехт, «Өлөрман эне» – Ашпозчу.
18. А. Абдыгулова, «Бурулча» – Жанек баатыр.

Т. Абдумомунов атындагы Кыргыз улуттук академиялык драма театры (2014-жыл)

1. М. Байжиев, «Алтынчы күнү кечинде» – Күрүчбек.

Т. Абдумомунов атындагы Кыргыз улуттук академиялык драма театры (2015-жыл)

1. Ф. Дюрренматт, «Картаң айымдын келиши» – Илл.
2. Ж. Аманов, «Эл достугу» – Акматай.
3. М. Метерлинк, «Көк куш» – Чоң ата.

Т. Абдумомунов атындагы Кыргыз улуттук академиялык драма театры (2016-жыл)

1. Ф. Буляков, «Бакбергендин балпайган бактысы» – Бакберген.
2. А. Темирова, «Махабхарата» – Дхритараштра.

Т. Абдумомунов атындагы Кыргыз улуттук академиялык драма театры (2017–2025-жылдар)

1. Б. Чотурова, «Тумар ханыша» – Крез.
2. Ю. Дамскер, «Күүгүм» – Гарри Котляр.
3. А. Менчелл, «Өмүр күзү» – Сэм.
4. К. Иманалиев, «Керээз» – Медет датка.
5. Ч. Айтматов, «Кылым карытар бир күн» – Абилов.
6. Э. Эфендиев, «Рахмат сага, Шекспир» – Башкы дарыгер.
7. Ж. Садыков, «Төлгө» – Кыргыл чал.
8. В. Дельмар, «Эртеңкиге ордуңду бошот» – Купер Барк.
9. К. Иманалиев, «Акыркы кат» – Хамза.

Кинодо жараткан ролдору

1. Н. Мендебаиров, «Дудук кыз» – Малик.
2. Ж. Кулмамбетов, «Жараланган турналар» – Сыргак.
3. Н. Абдыкадыров, «Кыргыз-казак бир тууган» – Сейтек.
4. М. Жумаев, «Туман» – Шарип ака.
5. А. Токторов, «Раззаков» – Ажы.